بحبك يا اغلى حبيبه

بحبــــــــــــك يا أغــــــــــــلى حبيبة
القرارات فيك صارت غريبة شقتى وادفع عليها ضريبة
بكرة يدفعونى على الغسالة والثلاجة والمروحة التوشيبا
وعلى البقرة والجاموسة والحمار وعلى أرض الزريبة
وعلى أردب غلة لو أشيلو لأولادى فى زكيبة
لكن مهما يعملوا فيا بحبك يا أغلى حبيبة

■ ■ ■

طول عمرى يا حبيبتى صبور أطلع من طابور لطابور
من الأنبوبة للرغيف لذل الجزار ووصل النور
هلكان وتعبان داير ياعينى فى ساقية تايه بلف وأدور
وحامد ربنا وراضى بالقليل ورافض أثور
وأوضاعك صارت مريبة ولسه بحبك يا أغلى حبيبة

■ ■ ■

فلوسك سرقوها الأكابر والفقير ساكن فى المقابر
والنفاق وصل المنابر وأنا عندى أمل وصابر
وحامد ربى وشاكر هو قادر يفك كربك
له فى كل أمر حكمة وفى حكمته أسرار عجيبة
دوام الحال من المحال ولسه بحبك يا أغلى حبيبة

■ ■ ■

فيك الوظيفة زى الآثار والبطالة فى كل دار
والشباب عايش فى حوسة والكوسة أغلى من الخيار
والضمير واخد إجازة وعالقهوة بيلعب قمار
والحكيم عنده أمل وحلمه بعد الليل ييجى نهار
يمحى الظلمة العصيبة ولسه بحبك يا أغلى حبيبة

منقوووووووول

السلام عليكم
والله كلنا لسة بنحبها وحانفضل نحبها ونحبب أولادنا فيها
تسلم ايديك مستشارنا على النقل الجميل ونسلم ايد اللى كتب وأبدع فى حبها

السلا م عليكم سيادة المستشار بجد كلمات جميلة مش مهم تكون منقولة المهم انك اتحفتنا بيهااحنا فعلا بنحبها لانها برضة بلدنا ام الدنيا ارض الديانات اللى ذكرت فى القرآن اللى قال عنها رسول الله صلى الله عليه وسلم "اذا فتح الله عليكم مصر فاتخذو منها جندا كثيفا فانهم خير اجناد الارض"ااشكرك سيادة المستشارعلى هذه التحفة الابداعية فى حب مصرجزاك الله خيراتقبلو وافر احترامى

حبنا لمصر لانختلف عليه

لكن والله شىء يحزن

احنا بقينا ملطشة الحكومة الذكية دى
دول بيفننوا فى مص دم الشعب
فى الاخر حيبعونا
او يشحتوا علينا
او يرهنونا

شكرا لك سيادة المستشار

السلام عليكم
أ/ منحة
شوفى انا معاكى فى يبعونا دى لانها اربح يعنى يبعونا كدا بالحتة اللى عايز قلب ولا كلية ولا يمكن مخ وفشة وكلاوى ههههههههههه
لكن يرهنونا لا حانرجعلهم تانى بعد فك الرهنية ويمكن اللى رهنونا عندهم منعجبهمش فيتخلصو مننا طبعا لاننا ماشاء الله شعب ولود وبالتالى حانخلص على الاخضر واليابس ههههههه
أما يشحتو علينا فدى شكلها وحش أوى عليهم وبعدين وهما كدا شحتين ومتسولين عايزة البوكس يجى يلمهم لا حرام ماتجيش يتبهدلو كدا فى الحجز زى الناس الغلابة لازم نعمل حسابنا على سجن فايف أستار ولا أيه ؟؟؟

اولا احب التحية لكل أعضاء المنتدى والقائمين والله عبقرى يا سيادة المستشار بدون مبالغة فيك فعلا وصف الحبييبة بالضبط صدقت؟