ماذا يعنى عدم تقبل الاعتذار

الاخوة الاعزاء
المستشار صلاح رسلان
الاستاذ مصطفى فخرى
الاستاذ حمادة الشريف
انا رديت على موضوع دعوة عامة للتسامح فى منارة دشنا وهذا هو الرد

مع انى واخد موقف سىء جدا مع كل من غادر المنارة وان قولت فى موضوع سابق وهذا نص كلامى
يا اخوانى المنارة اكبر من اى عضو بلاش نرخص نفسنا اى عضو يسيب المنارة مع الف سلامة
والمنارة مش هتوقف على اى عضو
مع احترامى للجميع
لان كل عضو اشار او لمح انه سوف يترك المنارة هناك مجموعة محترمة جدا ردت عليه
واعتذرت له وهو لم يعيرها اى اهتمام او تقدير وهم ناس على اعلى مستوى من الاحترام ومفيش
مصلحة علشان هما يعتذروا عن اخطاء غيرهم لكن محدش قدر
اللى يقدرنى اهلا بيه وفوق راسى لكن متعبرنيش لا آسف فى ستين الف سلامة
زائد الناس اللى اعتذرت دى ومحدش قدرهم انا اسف ليهم جميعا
مع احترامى الى كل من
المستشار صلاح رسلان
الاستاذ حمادة الشريف
الاستاذ مصطفى بغدادى
انتم على العين والرأس لكن اعتذار شخصيات مثل الاساتذة الافاضل
على عبدالله
محمد جلال
مصطفى عدلى
وجميع من قام بالاعتذار عن اخطاء قام بها اشخاص غيرهم
وعدم تقديركم لهذا الاعتذار انما ينم على ضيق صدركم واهانه للعشرة مع هؤلاء الاشخاص
المحترمين
فما قولكم هنا عن التسامح والصلح
ام تقولون ما لا تفعلون

بدون زعل

[size=29]الاخوة الاعزاء

بعض اعضاءنا لا يعرفوا ما حدث فى اى منتدى اخر من مشاكل
فارجوكم عدم فتح الموضوع هنا مراعاة لشعور الاعضاء وعدم اعطاء صور ة غير لائقة بنا هنا
ارجو من الاخ محمد حجاج و الاخ الزعيم مناقشة المواضيع على الخاص
بارك الله فيكم[

ولانريد ان نكرر ماحدث

واى موضوع يكتب فى هذا ستضطر الادارة لحذفة

اهداف المنتدى وقوانينه معروفة للجميع

لكى نكون على نور
/size]

يا زعيم
انا حتكلم عن نفسى انت او غيرك ليه توجهولى اعتذار انا قولت سابقا واكرر انا مفيش حاجه بينى وبين محمد حجاج ده زى اخويا ياسين وانا بحبه جدا لانه شاب واعى ومحترم وبحترم فيه اخلاقه الحميده والى الان لم يصدر منه توجيه اى كلمه لى فى منارة دشنا فيها اى تلميح او تجريح فانا لا استحق منه او من غيره الاعتذار لانه هو الوحيد الذى فهم ما اقصد وفهم انى لااريد ان اكون فى صدارة دعايه للانتخابات وربما اكون قد فهمته غلط فالرجاء ان تستثنينى من توجيه الاعتذار او الخطاب على انى طرف فى مشكله وايضا الرجاء ان نغلق هذا الباب بالنسبة لى نهائيا وعلى راى محمد حجاج مش هو النت اللى يخلى الواحد ليه زعل مع اى حد قريب ليه وانا كررت الكلام وشرحته بافاضه فى موضوع الى محمد حجاج واعضاء منتداه وانا تصفحت كل منتدى محمد حجاج وهو منتدى رائع واتمنى ان تستمروا الى الامام ونرى تقدما فيه كبيرا لصالح دشنا ولو احتجتوا اى حاجه اخوكم الغلبان الفقير تحت امركم وانا اكرر ان محمد حجاج لم يوجه لى كلمه واحده فيها تجريح وراجعوا كل كلمه اتكتبت فى الموضوع

يا اخوانى انا قصدى
انا عايز اعرف ايه اللى زعل كل من المستشار صلاح
والاستاذ حمادة والاستاذ مصطفى من منارة دشنا لا اكثر
وان الصلح خير
ومدام مفيش مشكلة مع محمد حجاج مشكلتك مع مين يا استاذ صلاح
للعلم انا ارسلت رسالة لك على الخاص
وهذا نص الرسالة
انا عارف انك زعلان منى بس والله انا مش عارف السبب
ولم تقم بالرد
وموضوعى للصلح والمسامحة لا لجلب المشاكل
والله على ما اقول شهيد

والله انا ما قرات رسالتك ولا شوفتها وانا مش زعلان من حاجه خالص ولا زعلان من اى حد
وانت يهمك انى مش زعلان منك ولا من محمد حجاج يبقى خلاص بقى عايزين نشوف مساهماتك هنا وانسى المواضيع دى خالص ومتتكلمش فيها تانى

والله العظيم انا زعلان على زعلك انت
لانك شخص عزيز علينا كلنا
مش علشان منصبك والله
لانك لو عاملتنا كأنك مستشار لكان الوضع اختلف
لكننا نحس انك شخص بسيط ومتواضع وهو ما اثر فينا جميعا
بس اهم حاجة ترد على موضوعاتى علشان الموضوعات لا تنشط الا بردودك

خلاص يا زعيم اكتب يا برنس وحرد عليك ردود ملهاش حل وحجيبلك كلام ولا فى الاحلام ولو عايز رد مشايخ حرد عليك ولا الشيخ شلتوت ولو عايز قانونى حرد عليك ولا السنهورى ولو عايز روشنه حرد عليك ولا اجدعها تامر حسنى ولو عايز اجتماعى حرد عليك ولا مواطن مطحون بس انت اكتب وحظبك ردود وسلامى لمحمد حجاج على فكره انا لما بقول بحبه يبقى مش بنافقه على فكره محمد حجاج خجول جدا وحترم جدا وربنا يكرمه بالبطانه الطيبه

الاخ الفاضل \ محمد الزعيم
الاخ الفاضل \ سيادة المستشارتكلم عنه نفسة وقال انه محدش زعلة وهو مش زعلان من احد ودعنى انا ايضا اتكلم عن نفسى واقول لك ايضا نفس كلام سيادة المستشار انا لم يوجة الى احد من ا لاخوة اى اهانة وليس لدى خصومة مع احد وفى كل الاحوال نحن نريد ان نطوى هذة الصفحة وانتم اخواتنا ولكن اود منكم ان احببتم المشاركة معنا بقواعد وقوانين المنتدى فاهلا وسهلا بكم اخوة وشرفتونا وعلى العين والراس .
اما ان كنا سوف نحكى فى امور عدت ومضت فارجوا ان نغلق هذا الموضوع وكما قالت الاخت منحة لا داعى لاثارة امور كانت على منتدى اخر والاخوة الاعضاء هنا لا يعلمون بها شىء .
فرجاء منكم اخوتى الافاضل ان ننهى هذة المسئلة تماما واتمنى مشاركتكم ومساهمتكم .
تقبلوا تحياتى
مصطفى الفخرانى

» ماذا يدور فى العقول
» ماذا تريد اكثر من هذا حسنات
» ماذا تعرفين عن اتيكيت حفلات الزفاف