ام على ... ام على .... ام على

أم علي
المقادير
1/2 كيلوجرام عجينة مورقة البف باستري
1/2 كوب زبيب
1/2 كوب جوز مفروم خشنا
1/2 كوب فستق حلبي مفروم
3/4 كوب سكر
4 كوب حليب
25 غرام أو 1 ملعقة طعام زبدة
ملعقة صغيرة فانيليا
علبة قشطة
الطريقة ترق عجينة البف باستري جيدا ثم تقطع الى أربعة مستطيلات متساوية
تخبز هذه العجينة في صوان في فرن حرارته 180س (350 ف) في الطبقة الوسطى من الفرن، حتى تنتفخ الفطيرة وتحمر
تخلط المكسرات مع بعضها
يدهن طبق خاص بالفرن بالزبدة
يقطع أحد مستطيلات الفطيرة باليد الى قطع متوسطة الحجم وتمد في الطبق ويرش سطحها بالمكسرات
يقطع إثنان من المستطيلات وتفرد فوق طبقة المكسرات ثم ترش بما تبقى من خليط المكسرات
توضع طبقة من البف باستري المقطع على الوجه
يغلى الحليب مع السكر والزبدة وعلبة القشطة على النار، ثم يصبوا في الصينية
وتوضع الصينية في فرن حرارته 180 س (350 ف) لمدة 5 دقائق وتقدم ساخنة
===================

ام على بالكورن فليكس

المقادير:

2 كوب كورن فليكس
كوب و نصف حليب
ربع كوب سكر
نصف كوب جوز هند مبشور
نصف كوب بندق مجروش (مكسر )
نصف كوب زبيب
علبة قشطة

الطريقة:

- اخلطي الحليب مع السكر و ضعيه على النار مع التحريك حتى يغلي .
- صفي نصف الكورن فليكس في صينية بايركس , رشي فوقه نصف الزبيب و نصف البندق و نصف جوز الهند .
- اضيفي باقى الكورن فليكس ثم باقى الزبيب و البندق و جوز الهند .
- اسكبي الحليب المغلى في الصينية برفق , ثم مدي القشطة .
- ضعي الصينية فى الفرن لتحمير الوجة فقط و قدمي الطبق ساخناً .

اهلا با م على نورتى المنتدى وبصراحه انا بحبها فعلا وبالنسبالى ام على برضه من اشهى الاطباق وربنا يخليلها على وشكرا يا استاذه منحه على ام على اللى انا واثق انه حعمل مشكله عشانها مع ام فارس

شكرا لك سيادة المستشار

بالهنا والشفا
الكلام اللى كاتبة ادانة لحضرتك
دا اعتراف مكتوب وباللون الاحمر
واسال نفرتيتى تقول لك هى خبيرة الوان
غير المشاركة لحسن ام فارس تقراها

قال وانا داخل ايه ارحب بام على العضوة الجديدة .

بدال ملاقيها عضوة طلعت ام على الى بتتاكل ههههههههههههههههههههههههه دا ايه اللخبطة الى انا فيها دى بس . ادارة المنتدى شكلها يا جماعة فى الكنافة والبسبوسة ربنا يستر والمنتدى ميبقاش كيك على ايدى ههههههههههههههههههههههههههههه

ام على دى ست الستات

بس ممكن تزيد 2كيلو فى الطبق الواحد
خد لبالك

دوق بس
او اتفرج زى

بالهنا والشفا استاذ مصطفى

ههههههههههههههههههههههههههههههههه
انا بحلف انى بحب ام على بجد والارزاق على الله يا استاذه منحه واجمل واحد بيعملها واحد فى الاسكندريه مشهور جدا بيها وده قريب من قلعة قايتباى بس ايه بقى لو شوفتى افخر السيارات وعلية القوم عنده هناك تقولى مجلس الشعب هنا الراجل ده مش ممكن اروح اسكندريه الا ولازم ازوره عشان حبيبتى ام على

اخ لو حد تانى علم بحكايتك دى مع ام على يا ابو فارس الوقعة تبقى لب وسودانى وانسى ام على . بقى انتا بتحب ام على وبتروح كمان لها مخصوص . انتا حر بس خد بالك اما انا بقى وزنى زاد جدا فمش باكل حلويات نهائى بس ميمنعش كدة صنية كنافة على الماشى بسبوسة محشية يعنى حجات بسيطة على قد النفس بس هههههههههههههههههه
تقبلوا تحياتى بام على

انا خلاص يا يا دكتور انا مش قادر اخبى تانى وانا وزنى كويس مش زايد ولا حاجه يعنى فيه امل فى ام على انها ترضى بيا

على فكرة ياسيادة المستشار بنت اخى كانت فكراك عجوز
لانك مستشار
هههههههههه

ههههههههههههههههههه
طيب على راحتك يا باشا وانا مش مسئول من اخرة ام على انتا حر .
اما انا بقى اروح اشوفلى ام حاجه تانى لان مينفعش نتنافس احنا الاتنين فى ام على ههههههههههههههههه

هههههههههههههههههههههههه انا فعلا عجوز يا استاذه منحه فى صورة شاب يعنى هى احساسها صح وانا قولتلها ان الست مؤسسنة المنتدى ست صعبه اوى ومش بترضى تخلينا ننزل اى صور وحذرتها منها
على فكره يا دكتور فخرانى التنافس مش فى صالحى طبعا لان موقفى يختلف عن موقفك وبطاقتى تختلف عن بطاقتك وام على حترضى بواحد عجوز على راى شوشو زى العبد لله وفى رقبته قرطة عيال ولا واحد ماشاء الله شباب وعلم واخلاق وفاضى ومحدش يقدر يلومه ولا عيل ولا دياولو ((دياولوا هنا بمعنى زوجه))

لا مش قصدها ابدا كدا

لا هى عايزه تتعرف بالكل
بس قالتلى انك كبير علشان منصبك بس
و لما عرفت سنك الحقيقى
قالت لى ازاى ماشاء الله تبارك الله مستشار
لانها بتشوفهم كبار فى السن قوى
خلاص نرجع خانة العمر تاى
بس كدا الستات حتزعل
وحيكون فيه تزوير فى اوراق رسمية

بس صور الاطفال مسموح بها محمد ابوعبد الله منزل صورة جميلة

بس انت عارف شكلك مش قايل لام فارس انك مشترك فى خير الزاد
لانك مش خايف زى زمان
ياجماعة متزعلوش بلاها ام على

نخليها كنافة بالفشطة او المكسرات ولا بسبوسة بالتمر (ودى بسبوسة جميلة)

بسبوسه دى اجمل واحلى كمان بتفكرنى بفيلم عبد الحليم واحمد رمزى اعتقد اسمه بنات اليوم

ايوة ودينا فى داهية يا صلاح بية ههههههههههههههههه بنات اليوم وبنات الغد ودلوقتى الاستاذة منحة المؤسس شكلها راح تكرشنا برة المنتدى علشان هتقلك دى دعاية واعلان للافلام ههههههههههههههههه على فكرة انا بحمل فيلم 2012 نسخة dvdrip ههههههههههههه ماستر يعنى اصلية ولسة الفيلم بيبتدى يتعرض فى سينمات مصر شوفتوا ازاى احنا نسبق الكل هههههههههههههههه الاستاذة منحة دلوقتى هتطير ورانا رسمى . على فكرة يا استاذ عادل ليك منى سى دى هدية لما الفيلم يتحمل بس متخليش الاستاذة منحة تشوفك ههههههههههههههه لاحسن كلنا بربطة المعلم ناخد الكرت الاحمر هههههههه

ههههههههه